Drim ngai 14/8, Mpồl lơh kơnòl broă sùm Tỉñ ủy càr Dăk Lăk tơn jơh 10 nam lơh jat Jơnau lơh nền sồ 33 bơh Mpồl duh broă Đảng dà lơgar khoă XI dê bè “bơt bơtàu mờ bơtàu tơnguh niam chài kòn bơnus Việt Nam lơh jat jơnau sồr kơ̆ kơljap dà lơgar” mờ 15 nam lơh jat Jơnau sồr sồ 38 bơh Ƀan Ƀí thư dê bè “Sơlơ tơnguh tai broă lơh kham sơm kòp ờ sa priă tàm bơta pa”. Bơh 15 nam lam lơh jat Jơnau sồr sồ 38 bơh Ƀan Ƀí thư dê, broă lơh dong kờl kham sơm kòp ờ sa priă neh lơh geh cồng nha jrô ơnàng tàm rài kis mpồl bơtiàn, geh ală tă pơgồp kuơmàng tàm broă lơh sền gàr, sền gròi mờ tơnguh niam pràn kơldang să jan làng bol.

Bơh 10 nam lam lơh, càr Dăk Lăk neh geh rlau 398 rbô tàm 463 rbô hìu bơnhă niam chài, geh 86%. Niam chài ờs mờng niam bơnĕ bơh làng bol ală jơi bơtiàn dồ êt nă cau dê pơn jat tai geh lơh wơl, prap gàr mờ ngui niam. Ồng Nguyễn Đình Trung, Ƀí thư Tỉñ ủy càr Dăk Lăk cih dờp mờ jờng rơ bơta lơh ngan bơh ală kâp, ală gah broă lơh dê tàm broă lơh jat Jơnau lơh nền sồ 33 mờ Jơnau sồr sồ 38 bơh Ƀan Ƀí thư dê tàm càr.