Dơ̆ wă rò geh lơh yŭ rơyùm tềng đap bơta đơng lam bơh Đại tướng Phan Văn Giang, Ƀộ trưởng Ƀộ Quôk phòng Việt Nam dê. Tơnơ̆ dơ̆ wă rò, Ƀộ trưởng Ƀộ Quôk phòng 2 lơgar lam lơh bơhiàn cào jrong nhàr lơgar; tam chi lơh bơyô bal tiah nhàr dà lơgar đah Việt Nam mờ Lo tàm Mpồng nhàr lơgar dunia Lào Cai; Ƀộ trưởng ồng Phan Văn Giang sờng jrong gơnoar tờm 102 (2) đah Việt Nam. Tàm dơ̆ tìp mat, Ƀộ trưởng ồng Phan Văn Giang mờ Ƀộ trưởng ồng Đổng Quân bal mờ Mpồl kwang bàng Ƀộ Quôk phòng 2 lơgar tus bal dơ̆ koh biài ai ngui Hìu niam chài lơh bơyô bal tiah nhàr lơgar đah Việt Nam mờ Lo; còp mờ pà phan Hìu bơsram kâp 1 Kim Đồng (ƀòn dờng Lào Cai); còp pôs đồng ling sền gàr tiah nhàr dà lơgar Mpồng nhàr lơgar dunia Lào Cai. Ƀộ trưởng Ƀộ Quôk phòng 2 lơgar Việt Nam mờ Lo kung tus bal dơ̆ kĭ ală sră nggal lơh broă bal.