Tàm broă lơh 94 nă cau pơn rơ gơguh jak ngan tàm srơh tàm pơrlòng jơh nùs lơh ngan lơh geh cồng nha bơh mpồl ling phàu crong càr Kon Tum dê mờ ală cau ala mat neh sền wơl bal, sền sơ wì wơl srơh tàm pơrlòng sồ 5 nam pa do. Tơngume tìp mat lơh kwèng mờ bơta tus bal bơh 10 mpồl cau, cau dồ nă să pơn rơ jak lơh geh uă cồng nha neh lơh pơn rơ ngan nùs nhơm tam klăc bal, bơceh lơh, sơr lèt gan kal ke, pơn đơl pràn lơh ngan lơh sir jak ngan kơnòl broă bơh kwang bàng, cau ling mpồl ling phàu crong càr Kon Tum dê.

Bal mờ hơ̆ là ală jơnau yal ngoh rơngăc ngan bè nùs nhơm ling klàng làng bol, bè Mpồl đơng lam ling klàng kơnhoàl Kon Plông mờ broă lơh “Kis gĭt jơnau gĭt adat”, dong rài kis lơh broă ai làng bol rƀah in; Mpồl đơng lam ling klàng kơnhoàl Đăk Glei mờ broă lơh “Cơldŭ tăc phan 0 đông”, Thiếu tă ling geh griăt ờs mờng lơh broă Nguyễn Thị Trinh mờ broă lơh dong kờl is dong kờl làng bol geh rài kis kal ke.