Tàm dơ̆ tìp mat, ala mat kwang đơng lam bồ Cíñ phủ, Phó Thủ tướng ồng Lê Minh Khái pơyua jơnau kah ưn ngài jơh nùs ngan, jơnau nting bơr gờm chờ niam ngan rlau jơh tus jơh gùt cau ùr Việt Nam, ală cau ùr geh bồ tơngoh bơsram sră, cau kơlôi sơnơng jak chài. 

Phó Thủ tướng Lê Minh Khái đơs nền: Nàng pơn jat tai sền gròi, pơn jờng ală rơnàng cau ùr, tàm hơ̆ kuơmàng là mpồl cau ùr geh bồ tơngoh bơsram sră rơcang lài bơsram, kơlôi sơnơng, tơnguh pràn jak, bơta chài tàm tơl gah, lơh jat jơnau sồr bơtàu tơnguh lơh sa mpồl bơtiàn bơh dà lơgar, ală kâp, ală gah broă lơh, ală tiah dê, mpồl cau ùr pơn jat tai pơlam lơh jat geh cồng nha Nghị quyết pơrjum dờng dơ̆ 13 bơh Đảng dê; lam lơh ngan ngồn ală Nghị quyết, Jơnau sồr bơh Đảng dà lơgar, Ƀộ Cíñ trị, Ƀan Ƀí thư dê bè pơn jat tai bơt bơtàu, sơlơ tơnguh tai gơnoar broă bơh Mpồl cau geh bồ tơngoh bơsram sră dê, lơh jat jơnau kờñ bơtàu tơnguh dà lơgar mhar mờ kơ̆ kơljap tàm tŭ tơngai pa.