Tàm tŭ lòt lơh mìr, làng bol gŏ tơrñang ƀồc bơh cau ling chơt màng dê tàm thôn Năng Lớn 2, xã Đăk Sao, kơnhoàl Tu Mrông den tàng yal mờ gơnoar atbồ. Tŭ jòi git, tàm pơn drờm mờ jơnau yal đal git mat sơnđan, ƀòn tờm bơh cau ling chơt màng Đào Văn Phương dê, ƀòn tờm tàm xã Kiến Ninh, kơnhoàl Tiên Lãng, ƀòn dờng Hải Phòng.

Tŭ tờ ƀồc ntìng bơh cau ling chơt màng dê, kwang bàng, cau ling gŏ ƀồc ntìng cau ling chơt màng dê bal mờ bàr, pe nơm phan lời wơl, geh: pang nilon pồt ƀồc cau ling chơt màng, 10 nơm kơ cing àu mờ 1 nơm sơmbiat. Tơngai lài, kơnhoàl Tu Mrông, càr Kon Tum kung neh tờ geh 18 ƀồc ntìng cau ling chơt màng chơt phi să tàm ală rài tam lơh jun rê tơp tàm Ƀlàng tơp ƀồc cau ling chơt màng kơnhoàl dê.