Gơl gùng rơndeh ồs Dà Làc – Trại Mát jòng 6,7 kơi sồ, là bơnah gam wơl bơh gơl gùng rơndeh ồs Tháp Chàm – Dà Làc jòng 84 kơi sồ, tơrbŏ càr Ninh Thuận mờ càr Lâm Đồng geh ai ngui tàm nam 1932, bơh cau Tây dê lơh. Do là gơl gùng rơndeh sề rơđòt krơi is ngan mìng dùl lơm tàm lơgar Việt Nam drơng nac lòt nhơl in sền ƀòn dờng Dà Làc.

Rơndeh ồs mang Dà Làc – Trại Mát geh hòi “Gùng lòt mang Dà Làc” ntoat lơyài, kờp jơh tŭ jơ lòt mờ rê wơl mờr 1 jơ, geh Tổng Kông ty gùng rơndeh ồs Việt Nam ai ngui nàng drơng nac lòt nhơl bơh 6 jơ 15 phuk mang tus 9 jơ 20 phuk mang pah ngai. Tus bal rơndeh ồs mang do, bơdìh mờ geh tryăng sền bơta niam trồ mang bơh Dà Làc dê, nac lòt nhơl gam geh iat gùng đơs crih, sa mang jat jơnau sồr.