Tàm dơ̆ pơrjum ală kwang bàng neh đơs, Broă lơh do pơgồp bal tàm broă sền wơl cồng nha lơh jăt Nghị quyết Pơrjum dờng dơ̆ XIII bơh Đảng dê tàm ală tiah dà lềng, bồt dà lềng bơh bồ tơngai lơh broă tus tŭ do. Broă lơh do geh 3 bơta niam tờm mờ ală tơngu me: “Nùs nhơm dà lềng”; “Lơgar Việt Nam wèt tus pas bơh dà lềng”; Lơgar Việt Nam wèt tus pràn bè dà lềng”.

Bơh broă lơh do neh pơgồp bal tàm broă dong kờl kwang bàng, đảng viên, ală làng bol, cau ling tàm mpồl ling gŏ loh rơlao ală bơta geh dờng màng mờ bơta kwơ bơh Dà lơgar-Dà lơgar geh dà lềng, bơh tŭ hơ̆ pơgồp bal tàm broă bơtơl nùs nhơm kờñ gơboh dà lơgar, nùs nhơm pơn yờ să, jờng rơ dà lơgar, bồ tơngoh lơh ngan sền gàr gơnoar tờm dà lềng bồt dà lềng dà lơgar dê. Di tàm dơ̆ do, Kwang atbồ dờng Anih jơnau đơs Việt Nam ồng Đỗ Tiến Sỹ neh jào gai lòng lời kir “Tài broă pờ tơlik jơnau đơs” ai ală cau in neh geh cồng nha jăk chài ngan tàm broă pơgồp bal lơh broă do.