VOV4.K’ho- Tàm Hà Nội, Tiểu ƀan sền gàr lơngăp lơngai, mpồl bơyai lơh pơrlòng tàp pràn să jan Đông Nam Á dơ̆ 31 (SEA Games 31) mờ Tiểu ƀan sền gàr lơngăp lơngai SEA Games 31 Ƀộ Kwang àng bơyai lơh Pơrjum tơn jơh nàng kờñ sền sơ wì cồng nha broă lơh sền gàr lơngăp lơngai SEA Games 31.

Lơh jat broă rơndap lơh sền gàr lơngap lơngai SEA Games 31, Ƀộ Kwang àng neh ai tơlik uă broă rơndap lơh bè sền gàr lơngăp lơngai, ờdo ờdă dơ̆ pơrlòng; crơng gơs Tiểu ƀan sền gàr lơngăp lơngai SEA Games 31; lam lơh uă broă rơndap lơh, dơ̆ pơrjum gàr niam lơngap lơngai dơ̆ mut lơh, tơn jơh mờ ală dơ̆ pơrlòng dar dut ndơl coh plai cau klau, cau ùr; lam lơh sền sơ wì, lòt sền broă lơh sền gàr lơngăp lơngai tàm 6 tiah kuơmàng. Tàm pơrjum, Thứ trưởng Ƀộ Kwang àng ồng Lương Tam Quang sồr ală Ƀộ, gah broă lơh, ală càr, ƀòn dờng pơn jat tai sền gròi, dong kờl, lơh gơlik bơta niam, pơgồp bal jơh nùs bơh Ƀộ Kwang àng tàm broă gàr niam lơngăp lơngai đơs bal, gàr niam lơngăp lơngai ală broă cíñ trị, niam chài kuơmàng bơh dà lơgar dê đơs is; sền gròi bơt bơtàu Mpồl kwang àng làng bol ngan ngồn sàng goh, kơ̆ kơljap, pràn kơldang, cíñ quy, ngac ngar, tam gơl pa, lơh jat jơnau sồr kơnòl broă tàm tŭ tơngai pa.

Cau mblàng K’Duẩn