VOV4.K’ho- Mho ngai 19/01, Ủy ƀan Thường vụ Quôk hội neh tơn jơh dơ̆ pơrjum dơ̆ 7. Đơs tơn jơh pơrjum, Củ tịc Quôk hội ồng Vương Đình Huệ sồr, tàm tơngai tus bơyai lơh niam dơ̆ yal lơh loh bè broă lơh tă pơgồp bal priă lơh sa mờ ai wơl priă dà lơgar dê bơcri mờ broă lùp mờ hơ jơnau lùp tàm Ủy ƀan Thường vụ Quôk hội.

Củ tịc Quôk hội ồng Vương Đình Huệ đơs tơn jơh pơrjum

Củ tịc Quôk hội kung sồr Anih Cah rña làng bol dờng ngan rlau jơh pơn jăt tai kơlôi sơnơng gơwèt mờ phan soh cah rña bơh Mpồl duh broă cah rña làng bol dê pal lơh geh bơta gơtùi dờp mờ tơnguh bơta niam kràñ cê tàm broă lơh cah rña, tơnguh uă cồng nha cah rña. Củ tịc Quôk hội kung sồr sền swì nền rlau broă lơh bơh Ủy ƀan Thường vụ Quôk hội dê tàm nam 2021 nàng pơlam gùng ai broă lơh bơh nam do dê in mờ rơcăng ai pơrjum dơ̆ 3, Quôk hội khoă XV dê bal mờ broă tờm là broă lơh adat boh lam. Tàm hơ̆, geh broă yal mờ Quôk hội sền swì nàng ring bal ală rơndăp lơh adat geh ai jơnau đơs tàm pơrjum dơ̆ 2 mờ ai jơnau đơs gơwèt mờ ală rơndăp broă lơh adat geh yal tàm Quôk hội dơ̆ sơnrờp.

Cau mblàng Lơ Mu K’Yến