VOV4.K’ho- Mho ngai 06/4, tàm Hà Nội, Đảng ủy Khối mpồl lơh sa kă bro dà lơgar bơyai lơh Tơn jơh khà jờng Mut mơ̆ biàng Khối mpồl lơh sa kă bro dà lơgar nam 2021. Tơnơ̆ tŭ lam lơh, Mpồl bơyai lơh Khà jờng Mut mơ̆ biàng Khối mpồl lơh sa kă bro dà lơgar nam 2021 neh dờp geh rlau 1 rbô jơnau tus bal pơrlòng bơh 34 đảng ủy gơ wèt Khối.

Ală jơnau đơs bal pơrlòng li la bè bơta, broă lơh, ngan ngồn geh: cíñ luận, kơlôi sơnơng- cribơyai, yal tơnggit, cau niam broă niam, lùp mờ hơ jơnau lùp, jơnau đơs đảng viên dê, cih wơl, ký sự, sơñio rùp... Bal mờ hơ̆ là li la bè tơngume, tơrgùm cih bè Đảng mờ broă lơh bơt bơtàu Đảng, lam lơh jat ală broă geh sền gròi uă, ală broă geh pơn rơ... Tàm dơ̆ bơyai lơh, Đảng ủy Khối neh jàu 3 khà dùl, 3 khà 2, 8 khà 3, 15 khà pơn jờng ai ală cau mờ mpồl cau geh jơnau tus bal pơrlòng geh khà jờng in.

Cau mblàng K’Duẩn