Tơn jơh Lơh chờ Kơphê Buôn Ma Thuột dơ̆ 8
Thứ tư, 14:10, 15/03/2023
Cau mblàng Lơ Mu K'Yến/VOV Tây Nguyên
Cau mblàng Lơ Mu K'Yến/VOV Tây Nguyên
VOV4.K’Ho- Tơnơ̆ 5 ngai bơyai lơh bal mờ uă broă lơh geh kwơ, mang ngai 14/03, tàm Ƀlàng dờng ngai 10/03, ƀòn dờng Buôn Ma Thuột, càr Dăk Lăk neh geh lơh Dơ̆ tơn jơh Lơh chờ Kơphê Buôn Ma Thuột dơ̆ 08 nam 2023.
Geh lơh bơh ngai 10/03 tus ngai 14/03, lơh chờ neh gơhòi gơ jà pơgăp 90 rbô nă năc lòt nhơl tus mờ càr Dăk Lăk, tàm hơ̆ geh 600 nă năc dunia. 18 broă lơh ngan ngồn bơh lơh chờ dê neh lời wơl jơnau kah niam ngan gơwèt mờ cau sền. Uă tơngume geh tam gơl pa, bơceh lơh gùt dar tơngume “Buôn Ma Thuột- Anih tus bơh kơphê dunia dê” neh yal tơngĭt geh jơnau: Tàm pơdờn, Anih tus, Mŭt gơrờm bal bơh kơphê Việt Nam dê. Tàm dơ̆ bơyai lơh tơn jơh, ồng Nguyễn Tuấn Hà, Phó Củ tịc Duh broă sùm Ủy ƀan Ñân zân càr Dăk Lăk, Kwang ătbồ Mpồl bơyai lơh Lơh chờ Kơphê Buôn Ma Thuột dơ̆ 08, nam 2023, đơs: Lơh chờ dơ̆ do lơh geh cồng nha rlau mờ bơta kơ̆p kờñ, pơn jăt tai đơs nền mờ yal tơngĭt pràn kơldang măt kă bro kơphê Buôn Ma Thuột.
Viết bình luận