Do là dơ̆ sơn rờp mờ 52 nă Kwang bàng Đảng Dà lơgar tus bal, neh geh bơto pơlam, yal tơngĭt 9 tơngume mìng dùl lơm. Ală tơngume là ală broă lơh jŏ jòng, tờm ngan, kwơ màng mờ jal mhar bơh dà lơgar he dê tàm tơngai tŭ do. Tơngume bơh ală tơngume mìng dùl lơm geh bơsram, pơgồp bal mờ broă cih tàm sră pơ àr pa mờ geh ngan pa ngan rlau jơh bơh dà lơgar mờ dunia dê, jat tàm nùs nhơm Pơrjum dờng cau ala mat gùt lơgar dơ̆ 13 bơh Đảng mờ ală Nghị quyết bơh Dà lơgar, bơh Ƀộ Cíñ trị, Ƀan Ƀí thư, Quốk hội, Cíñ phủ bồ tơngai lơh broă tus tŭ do mờ dùl tơngume dunia bơh kwang bàng jak chài bơt bơtàu Đảng bơh lơgar gơ̆p bơyô dê yal bơta mờng chài lơh broă bè tam gơl pa rơndăp broă lơh, anih lơh broă bơh Đảng mờ Dà lơgar.

Đơs tàm dơ̆ tơn jơh ơldŭ bơto pơlam, Lơh broă sùm Ƀan Ƀí thư mò Trương Thị Mai đơs sùm do là ală bơta nàng ală kwang bàng Đảng dà lơgar in bơtơl tai ală jơnau ală broă geh gơrềng tus Nghị quyết pơrjum dờng dơ̆ 13; tam pà bal bơta mờng chài lơh broă, bơtơl tai bè jơnau cih tàm sră pơ àr nàng geh bơta pin dờn, nùs nhơm cíñ trị nàng pơn jăt tai dờp broă lơh tàm tơngai tus jăt bơta jàu kơnòl bơh Đảng dê.