VOV4.K’ho- Tơnơ̆ 7 ngai lơh broă jal mhar, jơh nùs mờ bềng nùs nhơm geh kơnòl, ngai 09/10, tàm hìu lơh broă Đảng dà lơgar, pơrjum dơ̆ 6 Ƀan Cấp hàñ Đảng dà lơgar khoă 13 neh pơrjum tơn jơh tềng đap bơta đơng lam bơh Tổng Ƀí thư ồng Nguyễn Phú Trọng dê.

Tổng Ƀí thư đơs tàm dơ̆ tơn jơh pơjum Đảng dà lơgar dơ̆ 6, khoă 13

Đơs tơn jơh pơrjum, Tổng Ƀí thư đơs loh, dùl bơta pa tàm Pơrjum dơ̆ do là: dơ̆ sơn rờp Ƀan Cấp hàñ Đảng dà lơgar neh lam lơh sền sơ wì, lơh nền nàng kwang bàng gơwèt Dà lơgar atbồ tơn jơh ơm tàm Ƀan Cấp hàñ Đảng dà lơgar khoă 13 jat rơndap broă bơh Ƀộ Cíñ trị dê tàm jơnau cih bè broă tơn lời at gơnoar broă, tơn jơh at gơnoar broă gơ wèt mờ kwang bàng mờ Jơnau yal bè rơndap broă lơh gơ wèt mờ kwang bàng tơnơ̆ tŭ gơtìp lơh glài, gơ wèt mờ ală Ủy viên Đảng dà lơgar ồng Nguyễn Thành Phong, Huỳnh Tấn Việt, Bùi Nhật Quang mờ geh kơrnuat lơh glài ồng Phạm Xuân Thăng, Ủy viên Đảng dà lơgar, Ƀí thư Tỉñ ủy, Củ tịc Hội đồng Ñân zân càr Hải Dương mờ broă lơh tơlik bơdìh Đảng. Tổng Ƀí thư sồr mờ ai tơnggŏ bơta pin dờn jơh gùt Đảng, gùt ling klàng mờ gùt làng bol geh lam lơh geh cồng nha ală Nghị quyết, jơnau pơn dut bơh Pơrjum Đảng dà lơgar dơ̆ do dê, pơgồp bơnah lam lơh jat geh cồng nha Nghị quyết pơrjum dờng dơ̆ 13 bơh Đảng dê, lơh dà lơgar he in ngai sơlơ pas sơm, pràn kơldang, jơi bơtiàn he dê ngai sơlơ tiơng pơn rơ rlau.

VOV Tây Nguyên- Cau mblàng K’Duẩn