Lơh jat tơngume lơh broă jơh gùt khoă, Pơrjum dơ̆ 10 Mpồl duh broă Đảng dà lơgar khoă XIII pơrjum bơh ngai 18/9 tus ngai 20/9/2024 tàm càr lơgar Hà Nội. 

Pơrjum dơ̆ 10 Mpồl duh broă Đảng dà lơgar khoă XIII neh cribơyai, ai jơnau đơs bè ală tơngume: Jơnau rơcang cih jơnau yal cíñ trị bơh Mpồl duh broă Đảng dà lơgar khoă XIII dê; Jơnau rơcang cih Jơnau yal tơn jơh bàr, pe broă tàm sră pơ àr mờ tàm bơta ngan ngồn bè broă lơh tam gơl pa jat gùng dà ai tơlik lài xã hội củ nghĩa tàm 40 nam do tàm lơgar Việt Nam; Jơnau rơcang cih Jơnau yal bơh Mpồl duh broă Đảng dà lơgar khoă XIII dê bè tơn jơh broă lơh bơt bơtàu Đảng mờ lơh jat Jơnau pal jat Đảng dê; Jơnau rơcang cih jơnau yal sền sơwì 5 nam lam lơh Broă rơndap lơh bơtàu tơnguh lơh sa – mpồl bơtiàn 10 nam bơh nam 2021 tus nam 2030; gùng dà, kơnòl broă bơtàu tơnguh lơh sa – mpồl bơtiàn 5 nam bơh nam 2026 tus nam 2030; Jơnau yal Tơn jơh lơh jat jơnau pal jat tĕ khà tàm Đảng geh bal mờ Jơnau lơh nền sồ 244 bơh Đảng Dà lơgar dê ngai 09/6/2024 bơh Mpồl duh broă Đảng dà lơgar khoă XI dê mờ jơnau rơcang cih tam gơl, bơ tơl jơnau pal jat tĕ khà tàm Đảng; jơnau rơcang cih tơn jơh broă lơh kwang bàng Mpồl duh broă Đảng dà lơgar khoă XIII mờ Gùng dà, broă lơh kwang bàng Mpồl duh broă Đảng dà lơgar khoă XIV; yal tơnggit rơndap lài Ƀộ Cíñ trị, Ƀan Ƀí thư khoă XIV, tơngai lơh broă bơh nam 2026 tus nam 2031; bơ tơl rơndap lài Mpồl duh broă Đảng dà lơgar khoă XIV, tơngai lơh broă bơh nam 2026 tus nam 2031; Jơnau yal broă lam lơh Broă rơndap lơh bơtàu tơnguh lơh sa- mpồl bơtiàn nam 2024, jơnau kờp dŭ Broă rơndap lơh bơtàu tơnguh lơh sa – mpồl bơtiàn nam 2025; Jơnau yal sền sơ wì broă lam lơh kes priă dà lơgar nam 2024, kờp dŭ tă dơ̆ ngui kes priă dà lơgar nam 2025; broă rơndap lơh priă jền – kes priă dà lơgar 3 nam bơh nam 2025 tus nam 2027; jơnau lơh nền bơcri priă lơh Rơndap broă lơh gùng rơndeh ồs ntoat mhar tàm gơl gùng tiah đah tô – tiah đah jum dà lơgar; jơnau lơh nền crơng gơs ƀòn dờng Huế gơ wèt dà lơgar; pồ bơ tơl kwang geh jơng tàm Anih duh broă sền sơ wì dà lơgar khoă XIII mờ bàr, pe tơngume kuơmàng ndai.

Tổng Ƀí thư, Củ tịc lơgar ồng Tô Lâm neh đơng lam mờ geh jơnau đơs kuơmàng tàm dơ̆ mut pơrjum mờ tơn jơh pơrjum.