Pơrjum neh ring bal uă Nghị quyết kwơ màng tàm broă tơnguh bơtàu lơh sa mpồl bơtiàn càr dê tàm tơngai tus. Đơs tơn jơh pơrjum, Mò Huỳnh Thị Chiến Hoà, Củ tịc HĐÑZ càr Dăk Lăk sồr, UɃÑZ càr, ală kấp, ală gah lơh broă tàm càr, ală kơnhoàl, thị xã mờ ƀòn dờng pal sền kơnòl tơnguh bơtàu lơh sa mpồl bơtiàn, gàr niam dà lơgar, bơta lơngăp lơngai là kơnòl kwơ màng lài ngan bơh 6 nhai lồi nam dê.

Bal mờ hơ̆, HĐÑZ càr sồr ală gah, ală kấp lơh pràn broă yal mblàng jrô ơnàng tus mờ làng bol ală gùng dà, broă lơh bơh Đảng, adăt boh lam bơh Dà lơgar bè ală gùng dà broă lơh tơnguh bơtàu lơh sa mpồl bơtiàn tiah làng bol kòn cau, broă tam klăc gùt jơi bơtiàn kòn cau Đảng, Dà lơgar dê nàng làng bol ring bal lơh jăt. Tàm pơrjum, HĐÑZ càr Dăk Lăk kung neh ring bal 6 nghị quyết adăt boh lam, 10 nghị quyết krơi is mờ tơlik geh uă tơngu me kwơ màng ndai mờ broă ring bal uă.