Jat tơngume lơh broă drim do, Quôk hội pờ tê ring bal 2 jơnau rơcang cih adat boh lam, geh: Adat Ƀảo hiểm xã hội (tam gơl); Adat atbồ, ngui phan tam lơh, phan bơrtoh mờ phan dong kờl (tam gơl); Adat tam gơl, bơ tơl bàr, pe bơta bơh Adat ù tiah, Adat hìu ơm, Adat kă bro ù tiah hìu đam sồ, Adat ală Ngân hàng. Quôk hội kung pờ tê ring bal Nghị quyết bè cồng nha jat sền mìng dùl tơngume “Broă lơh jat Nghị quyết bơh Quôk hội dê bè broă lơh priă jền dong kờl Broă lơh bơtàu tơnguh wơl, bơtàu tơnguh lơh sa mpồl bơtiàn mờ ală nghị quyết bơh Quôk hội dê bè bàr, pe rơndap broă lơh kuơmàng dà lơgar tus jơh nam 2023”; Nghị quyết bè lùp mờ hơ jơnau lùp.

Bơdìh mờ hơ̆ là nghị quyết pơrjum dơ̆ 7, Quôk hội khoă XV (tàm hơ̆ geh tơngume bè broă tam gơl jơnau lơh nền bơcri priă Broă lơh jơnau kờñ dà lơgar bơtàu tơnguh lơh sa – mpồl bơtiàn tiah làng bol jơi bơtiàn dồ êt nă cau mờ tiah kơh bơnơm tơngai bơh nam 2021 tus nam 2030; tơrmù dia gơguh tai; lam lơh tam gơl wơl priă nhai; broă rơndap lơh tơn jŏ tơngai tơm dồs gơ wèt mờ bơnah priă càn pà wơl priă bơcri mờ bàr, pe tơngume gơ rềng tus broă ngui priă gơnguh dia nam 2023. Củ tịc Quôk hội ồng Trần Thanh Mẫn đơs tơn jơh pơrjum dơ̆ 7.