Tơnơ̆ 02 ngai mờ nggùl lơh broă jal mhar, drim ngai 17/05 tàm Hìu duh broă Đảng Dà lơgar dê, Pơrjum nggùl tơngai lơh broă Ƀan Câp hàñ Đảng Dà lơgar khoă XIII neh pơrjum tơn jơh. Tổng Ƀí thư ồng Nguyễn Phú Trọng đơng lam mờ geh jơnau đơs kwơmàng tơn jơh pơrjum.

Sền wơl cồng nha bơh bồ tơngai lơh kơnòl broă tus tŭ do, Tổng Ƀí thư ồng Nguyễn Phú Trọng, pà gĭt: bol he sền bal neh lơh geh cồng nha jơnau kờñ, kơnòl broă: Tơrgùm rơcăng sơndră, gròi sền kòp bơtờp, mơkung chồl tơnguh bơtàu tơnguh wơl mờ bơtàu tơnguh lơh sa- mpồl bơtiàn, bơ̆t bơtàu rài lơh sa krơi is, rơcăng lài is gơ jăt bal mờ rơcăng lài, jơh nùs mŭt gơrờm bal mờ dunia jrô ơnàng làm uă mờ geh cồng nha. Bơh bơta geh ngan đơng lam, sồr lơh tàm nggùl bồ tơngai lơh broă khoă XIII pa do, Tổng Ƀí thư ồng Nguyễn Phú Trọng yal loh, 05 jơnau bơsram mờng chài bè broă tam gơl pa gùng dà đơng lam mờ nùs nhơm, broă lơh broă tàm hơ̆, pal tơrgùm ai lài ai lơh jăt dùl ròt mờ geh cồng nha ală adat boh lam, ală jơnau cih bơh adat boh lam dê, ală kơrnoăt, broă rơndăp tăp sèng lơh broă nàng lơh jăt niam, ring bal tàm jơh gùt Đảng mờ jơh ală anih lơh broă cíñ trị. Đơs bè gùng dà kơnòl broă bơh tŭ do tus jơh tơngai lơh broă Pơrjum dờng dơ̆ XIII, Tổng Ƀí thư ồng Nguyễn Phú Trọng sồr, tơrgùm ai lài lam lơh jăt gơ in niam ngan 05 kơnòl broă tờm; sền gròi uă lơh pràn mờ lơh niam rlau tai broă lơh bơ̆t bơtàu, lơh niam wơl Đảng mờ ală anih duh broă ciñ trị mùl màl sàng goh mờ pràn kơldang kơ̆ kơl jăp.