Đảng, Dà lơgar Lo neh lời dơ̆ wă rò yŭ rơyùm ngan rlau jơh gơwèt mờ Tổng Ƀí thư, Củ tịc lơgar ồng Tô Lâm bal mờ pơ ùr mờ Mpồl kwang bàng kấp dờng lơgar he dê. Dơ̆ lòt còp kấp Dà lơgar bơh Tổng Ƀí thư, Củ tịc lơgar ồng Tô Lâm dê geh gơtha is ồn kwơ màng ngan gơwèt mờ bơta gĭt gơ̆p đah Việt Nam mờ Lo tàm tơngai pơn jat tai kung bè ală bơta, tiah lơh broă mờ lơgar ndai, bơtàu tơnguh bơh dà lơgar he dê tàm tơngai tus, tàm tơngai bơta gĭt gơ̆p 2 lơgar Việt Nam mờ Lo pơn jat tai gàr niam lơh broă bơtàu tơnguh niam ngan, lơh gơrề uă pràn kơl dang tus ală kấp, ală gah broă lơh geh nùs nhơm lơh broă bal duh hồl, geh cồng nha mờ geh ngan.

Mờ bơta sền kwơ màng ngan mờ pơgồp bal niam bơh bal 2 gah dê, dơ̆ lòt còp kấp dà lơgar tus lơgar Lo dơ̆ do bơh Tổng Ƀí thư, Củ tịc lơgar ồng Tô Lâm mờ pơ ùr dê geh kơ̆p kơnờm rơ̆p pờ geh dùl tơngai bơtàu tơnguh pa ai bơta gĭt gơ̆p lơgar rềp bal lơh bơyô bal, lơgar lơh broă bal kwơ màng tơl làm, mpồl bơtiàn tam pà bal rài tơnơ̆ do Việt Nam mờ Lo geh gơtha kwơ màng mờ mut lơh broă jrô ngan.