Do là dùl tàm ală hìu bơsram Đại họk jŏ rài mờ tơng pơn rơ ngan rlau jơh dunia dê. Tổng Ƀí thư, Củ tịc lơgar chờ hờp geh gĭt, Hìu bơsram Đại họk Trinity Dublin gam lam lơh uă broă lơh lơh broă bal mờ ală hìu bơsram Đại họk, viện kơlôi sơnơng bơh lơgar Việt Nam dê. Gĭt nđờ rơhiang nă cau pơgru, cau bơsram dờng lơgar Việt Nam neh mờ gam geh tus bal mờ broă bơto bơtê mờ kơlôi sơnơng geh cồng ngan dờng màng ngan ală lơgar bơh hìu bơsram dê.

Tổng Ƀí thư, Củ tịc lơgar kơ̆p kờñ là, ală broă lơh broă bal do rơ̆p lơh geh uă cồng nha niam ngan rlau tai, pơgồp bơnah lơh jat ală jơnau kờñ bơtàu tơnguh jŏ tơngai bơh jơh 2 lơgar dê mờ ai bơta gĭt gơ̆p đah lơgar Việt Nam mờ Ireland bơtàu tơnguh ngai sơlơ niam ngan mờ mut lơh broă ngan ngồn. Tổng Ƀí thư, Củ tịc lơgar pin dờn Việt Nam mờ Ireland rơ̆p pơn jat tai bal mờ gơ̆p lơh broă bal niam, wèt tus gơnoar broă bơta gĭt gơ̆p uă rlau tai tàm rài tơnơ̆ do dê, tài bơta kwơ bơh làng bol 2 lơgar, tài bơh dùl rài tơnơ̆ do ring lơngai, kơ̆ kơl jăp, lơh broă bal mờ bơtàu tơnguh tàm 2 tiah do mờ tàm dunia.