Yal bè broă lơh tờm bơh Đảng Kộng sản lơgar Việt Nam dê tàm tơngai tus, Tổng Ƀí thư, Củ tịc lơgar ồng Tô Lâm pà gĭt, dùl tàm ală broă lơh kwơmàng ngan rlau jơh bơh Việt Nam dê là lơh niam broă lơh rơcăng ai Pơrjum dờng dơ̆ XIV bơh Đảng dê- Pơrjum dờng neh geh gĭt nền là tềl kwơmàng, tŭ tơngai pơnrơ ngan bơh tơngai kah yau pa dê, rài pa dê, rài brồ guh bơh jơi bơtiàn Việt Nam dê tàm gùng lòt guh tus củ nghĩa xã hội.

Jăt tàm Sră cih kah lơh broă bal tàm tŭ tơngai pa đah Hìu bơsram Đảng Dà lơgar Lo mờ Họk viện Cíñ trị Dà lơgar Hồ Chí Minh pa kĭ hơ mờ ală cồng nha lơh broă bal tàm tơngai lài, nàng lơh jrô ơnàng rlau tai tơngume bơh gơnoar broă pa tàm gĭt gơ̆p bàr Đảng, bàr lơgar dê, Tổng Ƀí thư, Củ tịc lơgar ồng Tô Lâm sồr, 2 Hìu bơsram sơlơ tìp măt lơh kwèng, cribơyai; jà ală oh mi đơng lam bồ mờ ală cau pơgru dờng, cau geh bơta gĭt wă jrô bơh Hìu bơsram dê tus còp lơgar Việt Nam nàng kờñ tơngguh tai gĭt gơ̆p lơh broă, sơlơ pin dờn mờ gĭt wă bal mờ gơ̆p.