Đơs tàm dơ̆ bơyai lơh pơrjum, Tổng Ƀí thư, Củ tịc lơgar ồng Tô Lâm đơs loh, ngai 02/09/1945, tàm Ƀlàng dờng Ba Đình kah yau, Củ tịc Hồ Chí Minh neh sền sră cih jơnau Yal bơr lơngăp lơngai is, ki ngàm ngan yal bơr mờ dunia in bơta geh măt bơh lơgar Việt Nam Zân củ Kộng hoà dê, tŭ do là lơgar Kộng hoà Xã hội Củ nghĩa Việt Nam. Tàm sùm 79 nam do, bơh bơta đơng lam bơh Đảng dê, lòt jăt jơnau hòi jà bơh Wa Hồ dê, kơno dờng Jơnau Sơntơm să lơngăp lơngai is, mờ bồ tơngoh gam sùm “Ờ geh bơta lơi kwơ màng rlau mờ lơngăp lơngai is, khăt gơboh is”, jơh tơl nă jơi bơtiàn Việt Nam neh tam klăc bal dồ nùs, rbô nă bè dùl, bal mờ tam klăc ală lơgar song dơ pă, ai kăc màng Việt Nam lơh geh bơh cồng nha do tus cồng nha ndai, dong klàs jơi bơtiàn, tơrgùm dùl dà lơgar, lơh jăt gơtùi broă lơh tam gơl pa, kơ̆ cơnđoà jơng lòt gùng củ nghĩa xã hội.

Tổng Ƀí thư, Củ tịc lơgar ồng Tô Lâm đơs nền, geh ală cồng nha pơnrơ dờng ngan tơnơ̆ 79 nam tơnggơs dà lơgar, là bơh nùs nhơm kờñ gơboh dà lơgar, tam klăc dờng jơh gùt jơi bơtiàn, bơta kơ̆p kờñ kơnờm tàm bơta pràn is, pơnđơl pràn is, kơ̆p kờñ ngan bè lơngăp lơngai is, khăt gơboh is, chờ hờp chờ hờn bơh Đảng, Dà lơgar mờ Làng bol Việt Nam dê.