Tơnơ̆ tŭ kwang đơng lam bồ tờm ngan mờ kwang Duh broă sùm Ƀan Ƀí thư cribơyai, Tổng Ƀí thư, Củ tịc lơgar ồng Tô Lâm pơn dut bàr, pe kơnòl broă mờ jơh gùt Đảng mờ ală anih lơh broă cíñ trị pal tơrgùm, bơsong tàm tơngai tus bè tơnơ̆ do: Tơrgùm kờp sền ală broă gam wơl bơh tŭ do tus jơh nam 2024 mờ geh ală broă lơh nàng lơh gơs sơrbac mhar, geh cồng nha; pơn jat tai broă lơh rơcang lài nàng kờñ gàr niam ngan rlau jơh gơ wèt mờ Pơrjum dơ̆ 10 Mpồl duh broă Đảng khoă XIII dê; ală mpồl dềt rơcang lài ai Pơrjum dờng khoă XIV bơh Đảng dê in pal lơh ală tơngume broă lơh jat di mờ broă rơndap lơh.

Gơwèt mờ kơnòl broă bơtàu tơnguh lơh sa – mpồl bơtiàn, pal tơrgùm tă bơsong ală kal ke, kòl yan, bơta gam gơ kòl nàng lơh gơlik gùng dà ƀuơn ƀuài ai mpồl lơh sa kă bro, cau lơh sa kă bro in geh bơta niam nàng bơtàu tơnguh, lơh broă bơcri priă, kă bro, bơtàu tơnguh lơh sa geh cồng nha, lơh gơlik nùs nhơm chờ hờp gơ wèt mờ làng bol tàm broă lơh sa, kă bro mờ rài kis. Pơrjum kung cribơyai, ai jơnau đơs mờ gùng dà bơsong uă broă kuơmàng ndai bơh dà lơgar dê tàm tơngai tus.