Tàm pơrjum, Tổng Ƀí thư, Củ tịc lơgar ồng Tô Lâm đơs niam mờ jờng rơ ală broă lơh ngan bơh Mpồl Sền sơwì Sră nggal neh lơh broă mờ nùs nhơmr rơcang lài, geh kơnòl nàng yal Duh broă sùm Mpồl dềt jơnau rơcang cih Jơnau yal cíñ trị dơ̆ 05; Mờ sồr tơnkah Mpồl Sền sơwì pal kơlôi sơnơng nền nòn ală jơnau lơh nền bơh Mpồl duh broă Đảng Dà lơgar, Ƀộ Cíñ trị, Ƀan Ƀí thư, ală jơnau lơh nền bơh Quốk hội mờ Cíñ phủ… tàm hơ̆ uă ngan là ală sră nggal pa geh tơlik tàm tơngai lơh broă do.

Tổng Ƀí thư, Củ tịc lơgar ồng Tô Lâm đơs nền, jơnau yal cíñ trị bơh Pơrjum dờng dơ̆ XIV pal là phan dờng bơh bơta ngăc ngar dê, là dùl broă lơh geh pơgồp bal bơta ngăc ngar mpồl bal bơh gùt Đảng, gùt làng bol, gùt ling klàng dê bè ƀồc ồng Tổng Ƀí thư Nguyễn Phú Trọng neh đơs, pal ngui broă lơh tờm mờ bơta ngăc ngar mpồl bal, pal geh broă tus bal pơgồp bơh ală anih lơh broă, gah lơh broă Dà lơgar mờ ală càr, ƀòn dờng, ală mpồl lơh broă cíñ trị mpồl bơtiàn mờ Làng bol dê.