Jăt tàm jơnau rơcang cih jơnau yal mờ broă pơgồp jơnau đơs tàm pơrjum, jơnau đơs pơn dŭt, Tổng Ƀí thư, Củ tịc lơgar ồng Tô Lâm đơs niam ală broă lơh ngan bơh Mpồl sền sơwì jơnau cih Sră nggal neh lơh broă mờ nùs nhơm rơcang lài, geh kơnòl uă nàng yal Mpồl dềt in jơnau  rơcang cih jơnau yal cíñ trị dơ̆ 06 tơnơ̆ mờ uă dơ̆ tam gơl wơl, pơgồp jơnau đơs.

Nàng pơn jăt tai lơh gơs jơnau rơcang cih jơnau yal cíñ trị yal Ƀộ Cíñ trị in sền swì, pơgồp jơnau đơs, lơh gơs nàng yal Pơrjum Dà lơgar 10 tus do di pal mờ jơnau kờñ bè bơta niam bal mờ tŭ tơngai lơh, Tổng Ƀí thư, Củ tịc lơgar ồng Tô Lâm đơs nền, tơngu me jơnau yal pal ai tơngŏ tàm nùs nhơm, gùng dà broă lơh, pal ring bal jơnau git wă bè sơn đờm tŭ tơngai jơnau kah yau pa. Tổng Ƀí thư, Củ tịc lơgar ồng Tô Lâm is ồn tơnkah Mpồl sền sơwì jơnau cih  pal đờm jăt broă lơh tờm mờ bơta ngăc ngar mpồl bal, nùs nhơm là tàm ală tŭ cri bơyai, ki ngàm bal jơnau tă pơgồp bơh gơ̆p dê, lơh geh bơta ring bal uă.