Pơrjum neh cribơyai, ai jơnau đơs bè jơnau yal bơta geh ngan, cồng nha lam lơh broă lơh 6 nhai bồ nam 2024 mờ kơnòl broă tờm 6 nhai lồi nam 2024; yal cồng nha sồr lơh, bơsong ală broă gơlik geh, broă lơh tìs gơ wèt Mpồl sồr lơh jat sền, sồr lơh bơh tơnơ̆ pơrjum dơ̆ 25 bơh Mpồl sồr lơh dê tus tŭ do mờ Jơnau yal cồng nha lơh broă bơh Mpồl sồr lơh rơcang sơndră sa kuề sa kuà, broă ờ niam kâp càr 6 nhai bồ nam 2024.

Đơs tàm pơrjum, Tổng Ƀí thư, Củ tịc lơgar ồng Tô Lâm – Kwang atbồ Mpồl sồr lơh sồr ală kâp ủy, mpồl lơh broă đảng, anih lơh broă geh gơnoar ờ gŏ di sền ờ dơp, hừh nùs mờ ală cồng nha neh lơh geh mờ pal pơn jat tai lam lơh kràñ, ring bal ală broă lơh, kràñ cê, kơ̆ dơn rơcang lài kơryan sa kuề sa kuà, broă ờ niam jat di jơnau đơs “ờ ơm, ờ rlô, ờ geh tiah ờ ai, ờ geh bơta bơdìh, bulah cau hơ̆ là cau lơi; yă dùl broă, lơh kah rơngal jơh dùl tiah, jơh dùl gah broă”. Tổng Ƀí thư, Củ tịc lơgar ồng Tô Lâm đơs nền 3 jơnau sồr: Rơcang lài kơryan sa kuề sa kuà, broă ờ niam pal drơng bơtàu tơnguh lơh sa – mpồl bơtiàn; pal geh lam lơh tus tàm mpồl lơh broă đảng, pal geh bơta jat sền bơh kwang bàng, đảng viên mờ làng bol dê…