Đơs tàm dơ̆ yal, ala măt kwang bàng đơng lam bồ Đảng, Dà lơgar, Tổng Ƀí thư, Củ tịc lơgar ồng Tô Lâm chờ hờp bal mờ ală ồng: Nguyễn Hoà Bình, Bùi Thanh Sơn, Hồ Đức Phớc geh pồ ăt gơnoar broă Phó Thủ tướng Cíñ phủ; pồ gơnoar broă Ƀộ trưởng Ƀộ Phan geh is mờ Tiah ơm kis gơ wèt mờ ồng Đỗ Đức Duy, Ƀộ trưởng Ƀộ Sền gàr adăt boh lam gơ wèt mờ ồng Nguyễn Hải Ninh. Tổng Ƀí thư, Củ tịc lơgar ồng Tô Lâm sồr 05 nă ồng pơn jăt tai đòm jăt bơhiàn kăc màng, gàr kơ̆ nùs nhơm bồ tơngoh, pal dòn song dồ nùs bal ngan mờ Đảng, mờ Dà lơgar mờ Làng bol, jơh nùs, jơh tồr drơng broă Dà lơgar, drơng broă Làng bol in.

Lài hơ̆, drim ngai 26/08, bơh bơta đơng lam bơh Củ tịc Quôk hội ồng Trần Thanh Mẫn dê, Quôk hội khoă XV neh bơyai lơh dơ̆ pơrjum ờ bè ờs nàng sền swì broă lơh kwang bàng gơ wèt gơnăp gơnoar. Quôk hội khoă XV neh pồ mờ sền swì ring bal pồ 3 nă Phó Thủ tướng Cíñ phủ; Ƀộ trưởng Ƀộ Phan geh is mờ Tiah ơm kis; Ƀộ trưởng Ƀộ Sền gàr adăt boh lam; pồ Kwang ătbồ Anih Cah rña làng bol dờng ngan rlau jơh mờ Kwang ătbồ Anih Sền swì jăt sền làng bol dờng ngan rlau jơh dà lơgar.