Tơnơ̆ dơ̆ tơn jơh ală broă lơh tàm dơ̆ còp kấp Dà lơgar tus lơgar Mông Cổ, ngai 1/10, Tổng Ƀí thư, Củ tịc lơgar ồng Tô Lâm bal mờ Mpồl kwang bàng kấp dờng lơgar Việt Nam lik bơh càr lơgar Ulaanbaatar, lơh dơ̆ lòt còp kấp Dà lơgar tus lơgar Ireland jat jơnau jà bơh Kwang atbồ lơgar Ireland dê. Do là dơ̆ lòt còp kấp Dà lơgar sơn rờp tus lơgar Ireland bơh Củ tịc lơgar Việt Nam dê kờp bơh tŭ 2 lơgar lơh bơta gĭt gơ̆p cribơyai broă mờ lơgar ndai, bơh hơ̆, pơgồp bơnah bơtàu tơnguh uă bơta pin dờn cíñ trị mờ bơt bơtàu bơta gĭt gơ̆p lơh bơyô bal đah Việt Nam mờ Ireland.

Dơ̆ lòt còp bơh Tổng Ƀí thư, Củ tịc lơgar ồng Tô Lâm tus lơgar Ireland đơs nền Việt Nam sùm sền dờng màng bơta gĭt gơ̆p mờ lơgar Ireland, pơgồp bơnah tơnguh uă bơta pin dờn cíñ trị, lơh jrô ơnàng làm uă rlau tai lơh broă bal uă bơta đah 2 lơgar dê tàm tơngai tus, is ồn tàm gah lơh sa, kă bro, bơcri priă, jak chài măi mok, tam gơl pa bơceh lơh, bơto bơtê, lơh sa suơn sre; tài jơnau kờñ bơtàu tơnguh kơ̆ kơl jăp, tài ring lơngai, lơh broă bal mờ bơtàu tơnguh tàm tiah do mờ tàm gùt dunia.