Tơm bơh bơr mờ mpồl cau ala măt, Tổng Ƀí thư, Củ tịc lơgar ồng Tô Lâm đơs sùm, làng bol Việt Nam sùm chờ hờp, pơñiờ să tài geh Wa Hồ, Kwang đơng lam bồ pơnrơ dờng ngan- Cau khin cha jak chài dong klàs jơi bơtiàn, Cau niam chài jak ngan, cau tiơng pơnrơ niam chài dunia. Is ồn, ală oh mi geh măt tàm dơ̆ tìp gam geh bơta chờ hờp, là ală cau ơm rềp kềng wa Hồ ngai mang, neh jơh nùs jơh tồr sền gàr pràn kơldang să jan mờ jơh dồ plai nùs ki ngàm kờñ gơboh ngan gĭt lơh.

Tơnggŏ nùs nhơm ngoh rơngăc uă ngan tŭ geh kơno yal wơl ală kir sơnrai bè rài kis lơh broă bơh Wa Hồ dê; Tổng Ƀí thư, Củ tịc lơgar ồng Tô Lâm đơs sùm, pơn jăt tai tàm pơdờn đòm jăt bơhiàn ờs mờng “Hùc dà kah tô dà”, Đảng, Dà lơgar he sùm ki ngàm, gĭt ưn ngài dà kơlhề tă pơgồp bơh ală wa, ală mơi, ală bàp dê ală cau neh să tờm dong broă, trăng gàr mờ sền gàr Wa Hồ tŭ gam kis mờ prăp gàr, sền gàr, ngui niam ngan rlau jơh phan lời wơl bơh Ồng dê tàm Hìu duh broă Củ tịc.