Củ tịc Quôk hội lơgar Mông Cổ ồng Amarbayasgalan jờng rơ dơ̆ lòt còp kâp Dà lơgar tus lơgar Mông Cổ bơh Tổng Ƀí thư, Củ tịc lơgar Việt Nam ồng Tô Lâm dê; pin dờn dơ̆ lòt còp rơ̆p pơgồp bơnah sơlơ lơh broă bal tai mờ lơh jrô ơnàng rlau tai gĭt gơ̆p “Cau lơh broă bal tơl làm đah Việt Nam mờ Mông Cổ”; đơs nền do rơ̆p là bơnàng jă nàng ai tơl bơta bơtàu tơngguh tơl làm ală broă lơh broă bal đah 2 lơgar tàm tơngai tus.

Bàr gah jờng rơ gĭt gơ̆p lơh broă bal, tìp măt lơh kwèng bal đah Quôk hội bàr lơgar gam bơtàu tơngguh mhar mờ ngai sơlơ gơlòt mŭt ngan ngồn. Bàr gah dồ nùs bal pơn jăt tai lam lơh geh cồng nha, tơl làm ală tơnggume Jơnau ring bal lơh broă bal neh kĭ đah Quôk hội bàr lơgar nam 2018; dồ nùs bal tơngguh tai gơnoar broă anih lơh broă lơh adăt boh lam bàr lơgar dê tàm broă pơgồp bal dong kờl ai tơl bơta tàm tơrbŏ bal bàr rài lơh sa bơtàu tơngguh ngan ngồn, geh cồng nha mờ tơl làm, dipal mờ gĭt gơ̆p Cau lơh broă bal tơl làm; jơh nùs ai tơl bơta lam lơh mờ hòi jà ală mpồl lơh sa kă bro bàr lơgar tus bal ală broă lơh hòi jà kă bro phan.