Tổng Ƀí thư, Củ tịc lơgar đơs niam cồng nha bơh Anih ala măt bal mờ ală anih lơh broă ala măt tàm broă lơh jăt ală kơnòl Đảng, Dà lơgar jào, dờp broă lơh ngan, tam klăc bal, jơh nùs tàm lơh broă, bơh tŭ hơ̆ pơgồp bal tàm broă bơtàu tơnguh lơgar Cuba in mờ bơta git gơ̆p đah bàr lơgar dê.

Dùl dơ̆ tai đơs sùm, bơta git gơ̆p tam klăc bal ờs mờng, lơh broă bal tơl ală bơta đah lơgar Việt Nam mờ lơgar Cuba geh gơguh sùm mờ bơtàu tơnguh tàm ală gah broă, Kwang đơng lam bồ bàr Đảng, bàr lơgar uă dơ̆ đơs sùm bơta git gơ̆p đah bàr lơgar là “pơnrơ ngan đah bàr lơgar xã hội củ nghĩa dê”, “rùp niam bơh rài” dê. Tổng Ƀí thư, Củ tịc lơgar pà git dơ̆ tus còp lơgar Cuba dơ̆ do là nàng dùl dơ̆ tai ai tơngŏ Đảng, Dà lơgar bal mờ làng bol lơgar Việt Nam sền kwơ ngan bơta git gơ̆p ờs mờng tam klăc bal mờ is ồn git gơ̆p lơh bơyô bal đah bàr Đảng, bàr lơgar mờ bàr jơi bơtiàn dê, kơ̆p kờñ bơtàu tơnguh pràn kơl dang mờ tơnguh bơta git gơ̆p đah lơgar Việt Nam mờ lơgar Cuba tàm tơngai pa.