Tổng Ƀí thư, Củ tịc lơgar ồng Tô Lâm pơyua tus ală kwang bàng, cau lơh broă Anih lơh broă ala măt in bal mờ jơh tơl nă mpồl bơtiàn cau Việt Nam tàm lơgar Mông Cổ jơnau còp să đềt mềr, jơnau nting bơr kơ̆p kờñ kờñ pràn kơldang, chờ hờp chờ hờn bal mờ ală nùs nhơm ram mhŭ ngan rlau jơh bơh ƀòn lơgar tờm Việt Nam dê. Tổng Ƀí thư, Củ tịc lơgar ồng Tô Lâm pà gĭt, dơ̆ lòt còp tus lơgar Mông Cổ dơ̆ do geh gơtha kwơmàng, geh lơh tŭ gĭt gơ̆p bàr lơgar gam ơm tàm tơngai bơtàu tơngguh niam bơnĕ ngan rlau jơh.

Tổng Ƀí thư, Củ tịc lơgar ồng Tô Lâm sồr Anih lơh broă ala măt lơgar Việt Nam tàm lơgar Mông Cổ lơh jăt niam gơnoar broă mpồl cau lơh kòn gùng đah bàr lơgar mờ đah ală ƀộ, gah broă dà lơgar bơh bàr gah dê, pơgồp bal lam lơh geh cồng nha ală jơnau ring bal bơh Kwang đơng lam bồ kâp dờng 2 lơgar dê tàm hơ̆ geh Jơnau yal bơr bal bè lơh gĭt gơ̆p Cau lơh broă bal tơl làm đah Việt Nam mờ Mông Cổ; pơgồp bal lơh jăt geh cồng nha gĭt gơ̆p, lơh broă bal đah 2 lơgar tàm jơh ală broă.