Tàm dơ̆ tìp mat, Tổng Ƀí thư, Củ tịc lơgar ồng Tô Lâm ai lơh ngoh rơngac ngan geh tìp wơl ală cau ling yau – ală cau neh lơh gơs kah yau, ală cau lơh cơng kah yau tàm ală tŭ tơngai krơi is bơh Sư đoàn 308 dê. Tổng Ƀí thư, Củ tịc lơgar sồr ală cau ling yau Sư đoàn 308 sùm gàr kơ̆ nùs nhơm niam bơnĕ Cau ling Wa Hồ. Pơn jat tai đòm jat bơhiàn ờs mờng bơh mpồl phàu crong khin cha jak chài dê; lam lài, lơh krơh lài lơh jat ală gùng dà, broă lơh bơh Đảng, Dà lơgar dê, sùm là krơh niam ai hìu bơnhă, kòn sau in đòm jat; jơh nùs tus bal tă pơgồp bơt bơtàu mpồl ling ngac ngar, bal hiă, pràn kơldang, cíñ quy, tam gơl pa; tam klac bal bơsong tơl kal ke, tàm dong kờl bal, mờ nùs nhơm cau ling yau dong kờl gơp tơrmù rƀah, lơh sa jak, pơgồp bơnah bơtàu tơnguh lơh sa – mpồl bơtiàn bơh ƀòn lơgar dê.