Tàm tơngai còp mùl màl lơgar Tây, Tổng Ƀí thư, Củ tịc lơgar ồng Tô Lâm neh tus dơ̆ wă mùl màl; tìp măt sră ƀăo, cri bơyai mờ Kwang atbồ lơgar Tây ồng Emmanuel Macron; tìp măt Củ tịc Thượng viện lơgar Tây; wă Ƀí thư gùt lơgar Đảng Kộng sản lơgar Tây, Mpồl git gơ̆p lơh bơyô đah lơgar Tây mờ lơgar Việt Nam; còp Hìu lơh broă mờ lơh broă mờ Kwang atbồ UNESCO.

Lơgar Tây mờ lơgar Việt Nam đơs sùm gơnoar broă kwơ màng bơh nùs nhơm uă lơgar dê, tàm hơ̆ Liên hợp quốk at gơnoar broă tờm, mờ đơs sùm tai tus mờ jơnau hơ lơh jăt Hiến cương Liê hợp quốk dê, tàm hơ̆ uă ngan là bơta kwơ màng bơh broă lơh pràn mờ sền gàr gơnoar kòn bơnus mờ ală gơnoar khăt gơboh tờm ngan gơwèt mờ broă bơtàu tơnguh bơh tơl lơgar dê. Bàr gah hơ tơnguh broă pơlam mờ pơgồp bal tàm ală pơrjum tiah do, tàm hơ̆ uă ngan là mpồl ASEAN, mờ ală lơgar, tàm hơ̆ geh Mpồl ală lơgar đơs dà Tây.