Dơ̆ lòt lơh broă lơgar bơdìh sơnrờp ngan tàm gơnoar broă pa bơh Tổng Ƀí thư, Củ tịc lơgar ồng Tô Lâm dê neh geh cồng nha niam bơnĕ ngan tàm ală gah broă, pơgồp bal lơh pràn kwơ màng gơwèt mờ bơ̆t bơtàu Mpồl bơtiàn tam pà bal tơnơ̆ do đah lơgar Việt Nam mờ lơgar Lo dê geh kwơ màng jŏ jòng, pơgồp bal ai bơta ring lơngai, kơ̆ kơl jăp mờ bơtàu tơnguh tàm tiah do mờ tàm dunia.

Tàm rơlao 02 ngai lơh broă, Tổng Ƀí thư, Củ tịc lơgar ồng Tô Lâm neh geh broă lơh uă bơta ngan mờ geh kwơ màng ngan mờ 18 broă lơh. Tàm dơ̆ tus còp, bàr gah neh tơlik Jơnau yal bơr bal bè broă tơnguh rơlao tai bơta git gơ̆p tam klăc bal lơh broă bal jŏ jòng tơl ală bơta, nền nòn bơ̆t bơtàu mpồl bơtiàn tam pà bal tơnơ̆ do đah lơgar Việt Nam mờ lơgar Lo. Ală ƀộ, gah lơh broă dà lơgar bal mờ ală càr, ƀòn dờng đah bàr lơgar neh kĭ hơ bal uă sră nggal lơh broă bal tàm ală gah broă sền nàng git-sền gròi kòp gơtờp, mpồng nhàr dà lơgar, lơh sơnơm, mblàng jơnau, lơh broă bal ală tiah, rài kis làng bol.