Jơnau yal bơh Ƀộ Cribơyai broă mờ lơgar ndai lơgar Việt Nam dê pà gĭt, bơh ngai 21 tus 27/09/2024, Tổng Ƀí thư Mpồl Duh broă Đảng Kộng sản dà lơgar Việt Nam, Củ tịc lơgar ồng Tô Lâm mờ pơ ùr bal mờ mpồl cau ala măt kwang bàng kâp dờng lơgar Việt Nam rơ̆p tus bal Pơrjum Dờng Rài tơnơ̆ do, Pơrjum dờng Liên hợp quôk khoă 79 mờ lơh broă tàm lơgar Mỹ. Pơn jăt hơ̆, Tổng Ƀí thư, Củ tịc lơgar ồng Tô Lâm còp lơgar Cuba kâp Dà lơgar jăt jơnau jà bơh Ƀí thư dơ̆ dùl Mpồl Duh broă Đảng Kộng sản dà lơgar Cuba, Củ tịc lơgar Kộng hoà Cuba ồng Miguel Diaz Canel Bermudez.

Jăt cau sơ pơ̆ bơr Ƀộ Cribơyai broă mờ lơgar ndai lơgar Việt Nam mò Phạm Thu Hằng yal, digơlan, Tổng Ƀí thư, Củ tịc lơgar ồng Tô Lâm rơ̆p geh jơnau cih đơs kwơmàng tàm Pơrjum Dờng Rài tơnơ̆ do, tàm Pơrjum dờng Liên hợp quôk khoă 79 mờ geh ală dơ̆ tìp 2 gah kềng bơdìh tus bal ală broă lơh tàm dơ̆ lòt lơh broă tàm New York, lơgar Mỹ.