Đơs tàm dơ̆ Pơrjum sơn đờm nam bơsram pa, Tổng Ƀí thư, Củ tịc lơgar ồng Tô Lâm sồr Họk viện lơh jăt nền, lơh geh cồng nha gùng dà broă lơh bơh Đảng bè tam gơl pa tờm ngan tơl ală bơta broă bơto bơtê mờ bơsram pơgồp bal mờ broă sền gàr Dà lơgar tàm bơta pa, pơgồp bal tàm broă tơnguh uă bơta ngăc ngar mpồl kwang bàng bơh Đảng, Dà lơgar, mpồl ling tàm rài pa.

Tàm hơ̆, Họk viện pal ai tơngŏ loh làng là mpồl lam lài lơh jăt ală jơnau sồr, jơnau lơh nền, jơnau đơs dŭt ndơl bơh Đảng dê bè tam gơl pa broă bơto bơtê mờ bơsram bal mờ ling klàng, sền gàr dà lơgar, lơngăp lơngai. Mờ pơn jăt tai tam gơl pa pràn broă bơto, tơngu me, gùng dà broă bơsram tàp-bơto bơtê, atbồ hìu bơsram jăt gùng dà lơh geh bơta chài, lơh pa mờ gùng dà “Bơta ngăc ngar bơto bơtê mờ bơsram là bơta pràn tŭ lơi kung rơcang tam dră bơh mpồl ling dê”.