Wă kwang atbồ anih lơh broă ala mat lơgar ndai lơgar Argentina, Tổng Ƀí thư, Củ tịc lơgar ồng Tô Lâm kơ̆p kờñ Kwang atbồ anih lơh broă ala mat lơgar ndai lơgar Argentina rơ̆p pơnđơl pràn lơh ngan sơlơ tơnguh rlau tai bơta gĭt gơ̆p 2 lơgar, gàr niam tàm pơgơl mpồl kwang bàng kấp dờng mờ broă lơh bơh ală broă lơh lơh broă bal, lơh sir tơngume adat boh lam ai bơta gĭt gơ̆p lơh broă bal.

Hờn chờ Kwang atbồ anih lơh broă ala mat lơgar ndai lơgar Algeria, Tổng Ƀí thư, Củ tịc lơgar đơs nền Việt Nam sền dờng màng bơta gĭt gơ̆p mờ lơgar Algeria, kơ̆p kờñ Kwang atbồ anih lơh broă ala mat lơgar ndai lơgar Algeria jơh nùs pơgồp bal sơlơ tơnguh tai tàm pơgơl mpồl kwang bàng ală kấp, sơlơ tơnguh lơh broă bal kă bro phan bơna, ngui niam uă ngan geh cồng nha ală broă lơh lơh broă. Wă Kwang atbồ anih lơh broă ala mat lơgar Đức, Tổng Ƀí thư, Củ tịc lơgar ồng Tô Lâm kơ̆p kờñ Kwang atbồ anih lơh broă ala mat lơgar ndai lơgar  Đức tă pơgồp geh ngan tàm lam lơh bơta gĭt gơ̆p lơgar lơh broă bal kwơ màng Việt Nam mờ Đức. Tổng Ƀí thư, Củ tịc lơgar đơs nền ală ƀộ, gah broă, ală tiah lơgar Việt Nam rơ̆p lơh geh bơta ƀuơn ngan nàng Kwang atbồ anih lơh broă ala mat ală lơgar in geh dùl tơngai lơh broă geh cồng nha.