Dơ̆ tơngkah kir sơnrai geh tơngume “Bơh Pram jơnau pal jat ơm kis bal ring lơngai tus bơt bơtàu mpồl bơtiàn tam pà bal rài tơnơ̆ do jơi bơtiàn kòn bơnus dê”. Tus bal dơ̆ tơngkah geh rlau 100 nă kwang bàng, năc jà, tàm hơ̆ geh rlau 20 nă Kwang atbồ lài do, Thủ tướng mờ kwang đơng lam bồ kấp dờng bơh ală lơgar, bal mờ ală kwang bàng jak chài, cau geh bồ tơngoh jak lơh bơyô bal.

Ồng Nông Đức Mạnh đơs nền, jat tàm gùng dà broă lơh cribơyai broă mờ lơgar ndai is, lơh tờm is, lơh broă bal uă lơgar, Việt Nam kờñ mờ rcang tus bal jơh nùs ngan tàm jơnau bơceh lơh bơh ală gah dê, tàm hơ̆ geh ală jơnau bơceh lơh gùt plai ù bơh lơgar Lo dê, mờ jơnau kờñ ai tơlik tài bơta kwơ bal bơh jơi bơtiàn kòn bơnus dê, ring lơngai mờ gơguh jak bơh làng bol dunia, di pal mờ Kơrnoat boh lam Liên hợp quôk, “Pram jơnau pal jat ơm kis bal ring lơngai” mờ adat boh lam ală lơgar dê.