Tơngume sră pơyua geh gơl cih: Mờ nùs nhơm cau lơh broă bal, lơgar rềp bal đềt mềr, ala mat Ƀan Cấp hàñ Đảng Kộng sản dà lơgar Việt Nam, añ jơh nùs pơyua tus Củ tịc Đảng Làng bol Campuchia Hun Sen, ală kwang đơng lam bồ mờ kwang bàng, đảng viên Đảng Làng bol Campuchia jơnau nting bơr gờm chờ jơh nùs bè cồng nha niam bơnĕ bơh dơ̆ tĕ khà khoă V dê; kuơmàng là Đảng Làng bol Campuchia neh lơh geh cồng nha dờng màng ngan tàm tĕ khà dơ̆ do. Cồng nha dơ̆ tĕ khà dùl dơ̆ tai đơs nền gơnoar broă bơh Đảng Làng bol Campuchia dê tềng đap bơta đơng lam bồ bơh Củ tịc Đảng dê. Bol hi pin dờn ngan là, mờ ală cồng nha neh lơh geh, bal mờ mờng chài li la mờ bơta ring bal bơh làng bol Campuchia dê, Đảng Làng bol Campuchia bơh Củ tịc Hun Sen atbồ rơp pơn jat tai lơh geh uă cồng nha pa, dờng màng rlau tai tàm broă lơh sền gàr, bơt bơtàu mờ bơtàu tơnguh dà lơgar Campuchia.