Đơs pơn dut dơ̆ pơrjum, Tổng Ƀí thư ồng Nguyễn Phú Trọng đơs nền, pa do, ală anih lơh broă geh gơnoar neh pơgồp bal ngai sơlơ geh cồng nha, lơh geh bơta ring bal uă tàm boă lam lơh, lơh geh cồng nha ngan ngồn, làng bol jat sền mờ ai tơnggŏ bơta ring bal.

Bè kơnòl broă tàm tơngai tus, Thường trựk Mpồl đơng lam sồr ală kâp uỷ, Mpồl lơh broă đảng, anih lơh broă geh gơnoar pơn jat tai sơlơ tơnguh broă lơh rơcang sơndră sa kuề sa kuà, broă ờ niam mờ nùs nhơm “kràñ cê, kơ̆ dơn, ờ rlô, ờ ơm, ờ geh tiah kơryan, ờ geh ơm bơdìh, bulah cau hơ̆ là cau lơi”, lam lơh geh cồng nha ală kơnòl broă rơcang sơndră sa kuề sa kuà, broă ờ niam jat Jơnau pơndut pơrjum dơ̆ 23 bơh Tổng Ƀí thư, Kwang atbồ Mpồl đơng lam mờ Broă lơh nam 2023 bơh Mpồl đơng lam dê.