VOV4.K’ho- Tàm dơ̆ lơh broă tàm càr Quảng Ninh, drim ngai 06/4, Tổng Ƀí thư ồng Nguyễn Phú Trọng lam bồ mpồl kwang bàng dà lơgar neh lòt còp, sền sơ wì, pơn jờng jơh gùt kwang bàng, kông ñân viên Kông ty Kổ phần Chah Vàng Danh- Vinacomin tàm ƀòn dờng Uông Bí.

Tơnơ̆ tŭ lòt sền tơn rài kis bơh kwang bàng kông ñân viên dê tàm anih ơm bal hìu ơm ai kông ñân bơh kông ty dê in, boh bơr rềp mềr mờ gal ngan kông ñân, kỹ thuật viên, Tổng Ƀí thư ồng Nguyễn Phú Trọng đơs nền gơnoar broă kuơmàng mờ bơhiàn giai kâp kông ñân Việt Nam đơs bal mờ càr Quảng Ninh dê đơs is bơh yau tus tŭ do khin cha jak chài ngan tàm jơh ală tŭ tơngai, kờp bal mờ tàm rài tam lơh, tàm rài ring lơngai mờ tàm broă lơh bơt bơtàu mờ sền gàr dà lơgar tŭ do. Jat Tổng Ƀí thư ồng Nguyễn Phú Trọng đơs, giai kâp kông ñân sùm geh ală bơta krơi is, ờ mìng là ală cau lơh broă jak mờ gam pal geh rài kis niam chài mờ sùm geh bơta kờñ gơboh, tàm dong kờl bal mờ gơp.

Cau mblàng K’Duẩn