Mpồng nhàr lơgar Dunia Lơh bơyô bal gơ ơm tàm gơl gùng dờng 1A, ngài pơgap mờ ƀòn dờng Lạng Sơn 17 kơi sồ rê hờ tiah đah tô, ngài mờ Hà Nội 171 kơi sồ rê hờ tiah đah mat tơngai lik. Tiah geh bơyai lơh ală broă lơh lik mut tàm lơgar ndai đah lơgar Việt Nam mờ Lo. Tàm Mpồng nhàr lơgar Dunia Lơh bơyô bal geh dùl jrong tiah nhàr lơgar 1116 pơnđềt ƀồng bi lơgar Kộng hòa xã hội Củ nghĩa Việt Nam dờng màng bơh Dà lơgar dê, do là tiah sơn rờp  Gùng dờng 1A tàm tơrbŏ bal mờ Lạng Sơn bal mờ Mũi Cà Mau. Mpồng tiah nhàr lơgar Gĭt gơ̆p lơh bơyô bal là tiah kwơ màng tàm gùng pleh lơh sa, pơgồp bơnah sơlơ bơtàu tơnguh lơh sa đah Việt Nam mờ Lo bal mờ ală lơgar tàm tiah Asean. Gơl gùng pleh tờm, tàm hơ̆ geh: Nam Ninh- Lạng Sơn- Hà Nội- Hải Phòng jăt bè jơnau ring bal đah kwang đơng lam bồ kấp dờng bơh 2 lơgar dê...

Tàm do Tổng Ƀí thư ồng Nguyễn Phú Trọng neh jơh nùs lùp còp pơndờm pơnđiang mờ pà phan mpồl lơh broă ală gah lơh broă tàm tiah mpồng tiah nhàr lơgar in. Di dơ̆ do, Tổng Ƀí thư ồng Nguyễn Phú Trọng geh dơ̆ cribơyai dùl ết mờ Đại sứ lơgar Lo tàm Việt Nam ồng Hùng Ba. Tổng Ƀí thư ồng Nguyễn Phú Trọng sồr, càr Lạng Sơn mờ mpồl lơh broă geh gơnoar tàm Mpồng nhàr lơgar Dunia Lơh bơyô bal pơn jăt tai lơh jat niam, tă pơgồp jơh nùs rlau tai, pơgồp bơnah sơlơ tơnguh bơta gĭt gơ̆p lơh broă bal đah Việt Nam mờ Lo ngai sơlơ bơtàu tơnguh. Lài hơ̆, bồ ƀùi mho ngai 25/08, Tổng Ƀí thư ồng Nguyễn Phú Trọng bal mờ mpồl lơh broă tus còp mờ pà phan ai hìu bơnhă ồng Nguyễn Xuân Khoát, kwang bàng kăc màng dờng sơnam mờ hìu bơnhă mò Bạch Thị Khôi, kwang bàng lài mờ rài tam lơh tàm ƀòn dờng Lạng Sơn.