Tổng Ƀí thư ồng Nguyễn Phú Trọng đơs nền, Việt Nam kơ̆ dơn jat gùng dà cribơyai broă mờ lơgar ndai lơh tờm is, ring lơngai, lơh bơyô, lơh broă bal mờ bơtàu tơnguh, lơh gơs li la, uă bơta git gơp lơh broă bal, rơcang lài mờ jơh nùs mut gơ rờm bal dunia, là bơyô, là lơgar lơh broă bal pin dờn mờ là lơgar geh jơng jơh nùs, geh kơnòl tàm mpồl bơtiàn dunia. Tổng Ƀí thư pà git: Việt Nam tŭ lơi kung rơcang lơh broă bal mờ ală mpồl, ală lơgar lơh broă bal dunia tàm broă sơlơ tơnguh git gơp lơh bơyô mờ tìp mat tơm boh bơr, lơh kơ̆ kơljap ring lơngai, sơlơ chồl pràn bơtàu tơnguh. Việt Nam jờng rơ Mỹ tò dong gơnoar broă lơh tờm bơh ASEAN dê, bal mờ ală lơgar ASEAN sơlơ tơnguh broă wèt sền ASEAN bè Ấn Độ Dương- Thái Bình Dương.

Kwang atbồ lơgar Mỹ ồng Joe Biden đơs nền, Việt Nam là lơgar lơh broă bal kuơmàng, tò dong dùl Việt nam “lơngăp lơngai is, brồ guh is mờ bơtàu tơnguh sùm”, đơs nền wơl ki ngàm lơngăp lơngai is, gơnoar tờm, tơl làm ù tiah mờ rài cíñ trị bơh Việt Nam dê. Kung tàm dơ̆ cribơyai tàm điện thoại, Kwang atbồ lơgar Mỹ ồng Joe Biden cribơyai 2, 3 broă dunia bè rơcang sơndră mờ tam gơl trồ tiah, bơtàu tơnguh wơl lơh sa- mpồl bơtiàn tơnơ̆ kòp bơtờp, lơh broă bal làng bol lơh tờm- gơnoar kòn bơnus.