VOV4.K’ho- Mho ngai 15/04, tàm Hìu duh broă Đảng dà lơgar, Tổng Ƀí thư ồng Nguyễn Phú Trọng neh cribơyai tàm điện thoại kwang bàng kâp dờng mờ Thủ tướng lơgar Kộng hoà Ấn Độ, kwang đơng lam bồ Đảng làng bol Ấn Độ ồng Narendra Modi.

Tàm dơ̆ cribơyai tàm điện thoại, Thủ tướng ồng Narendra Modi đơs nền, Việt Nam là dùl nơm jrong kwơmàng tàm broă lơh lơh broă mờ lơgar ndai bơh lơgar Ấn Độ dê, kwơmàng là broă lơh “Lơh broă Đah mat tơngai lik”, tơlik nùs nhơm niam bơnĕ gơwèt mờ dà lơgar mờ làng bol Việt Nam. Tổng Ƀí thư ồng Nguyễn Phú Trọng đơs nền bơta gĭt gơ̆p lơh bơyô bal ờs mờng bơh yau đah Việt Nam mờ Ấn Độ geh ală rơnàng kwang đơng lam bồ mờ làng bol 2 lơgar bềng uă dà kơlhề bơ̆t bơtàu mờ bơtàu tơnguh; bơta tam klăc bal jrô ơnàng bè jơnau kah yau mờ bơta niam chài, ală bơta kwơ bal tàm uă broă dunia kwơmàng lơh bơnàng jă ai bơta gĭt gơ̆p lơh broă bal mờ bơta tàm dong kờl bal geh cồng nha bal mờ gơ̆p.

Bè dà lềng đah măt tơngai lik, bàr gah ring bal bè bơta kwơmàng bơh broă sền gàr ring lơngai, lơngăp lơngai, lơh broă bal, bơtàu tơnguh mờ sền dờng màng adat boh lam dunia, tàm hơ̆ geh Kông ươk nam 1982 bơh Liên hợp quôk dê bè Adat dà lềng, sền dờng màng gơnoar tờm ù tiah, gơnoar gơnoar tờm ù tiah bơh ală lơgar mờ gơnoar khăt gơboh gùng rơndeh par, gùng dà lềng.

Cau mblàng Lơ Mu K’Yến