VOV4.K’ho- Drim ngai 08/06, tàm Hìu duh broă Đảng Dà lơgar, Tổng Ƀí thư ồng Nguyễn Phú Trọng neh bơyai lơh tìp măt cribơyai broă kwang bàng kâp dờng mờ Kwang ătbồ lơgar Hàn Quôk ồng Yoon Suk-yeol jăt broă lơh pờ tơn tàm internet.

Tàm nùs nhơm đềt mềr mờ lơh bơyô bal, ngan là tàm dơ̆ 2 lơgar tơngkah kir sơnrai 30 nam lơh gĭt gơ̆p lơh broă bal. Kwang ătbồ lơgar Hàn Quôk ồng Yoon Suk-yeol gờm chờ ală cồng nha tơl làm bè bơtàu tơnguh, gơnoar broă mờ bơngă dunia ngai sơlơ uă bơh Việt Nam dê. Tổng Ƀí thư ồng Nguyễn Phú Trọng đơs nền bơta sền dờng màng gơwèt mờ bơta gĭt gơp lơh broă bal jŏ jòng đah Việt Nam mờ Hàn Quôk; jờng rơ ngan bơta dong kờl bơh Hàn Quôk dê tàm ală tŭ bơtàu tơnguh tàm Việt Nam, tàm hơ̆ geh broă lơh broă bal rơcăng sơndră kòp Kovid-19.

Bàr nă kwang bàng đơng lam bồ dùl nùs bal sơlơ tìp măt kwang bàng kâp dờng; bơtàu tơnguh lơh broă bal tàm gah broă lơh sền gàr dà lơgar, lơngăp lơngai; tơnguh lơh broă bal niam chài, gĭt gơ̆p đah ală tiah...

Cau mblàng Lơ Mu K’Yến