Ƀộ Cíñ trị neh cri bơyai mờ đơs là, tàm rơlao 35 nam tam gơl pa, tàm hơ̆ uă ngan là tàm 10 nam lơh jăt Nghị quyết Dà lơgar 5 khoă XI, tam gơl pa mờ tơnguh bơtàu broă lơh mpồl bơtiàn là gùng dà geh lơh sùm mờ pal geh bơh Đảng, Dà lơgar he dê mờ nùs nhơm gơguh lơh sa geh bal mờ lơh jăt bơta gơguh jăk mờ ndrờm bal mpồl bơtiàn. Broă lơh geh cồng nha ală broă lơh mpồl bơtiàn, gàr niam rài kis lơh broă sa mpồl bơtiàn ai làng bol in neh pơgồp bal tàm broă tơnguh nùs nhơm pin dờn bơh Làng bol gơwèt mờ Đảng, Dà lơgar bal mờ rài dà lơgar dê.

Ƀộ Cíñ trị đơs tờm, broă pơn jăt tai tam gơl pa, tơnguh cồng nha broă lơh mpồl bơtiàn là kơnòl jŏ jòng, geh sùm bơh Đảng, Dà lơgar, bơh mpồl lơh broă cíñ trị mờ gùt mpồl bơtiàn dê, pơgồp bal tàm broă gàr niam gùng dà xã hội củ nghĩa, lơh geh gơguh lơh sa geh bal mờ gơguh jăk ndrờm bal mpồl bơtiàn; gàr niam rài kis lơh broă sa mpồl bơtiàn.