Drim òr (07/04), tàm Hìu lơh broă Đảng dà lơgar, Tổng Ƀí thư ồng Nguyễn Phú Trọng đơng lam dơ̆ pơrjum bơh Ƀộ Cíñ trị, Ƀan Ƀí thư pơgồp jơnau đơs bè Rơndăp broă “Tơn jơh 15 nam lơh jăt Nghị quyết sồ 27 bơh Mpồl đơng lam Đảng khoă X bè bơ̆t bơtàu mpồl kwang bàng ngăc ngar tàm rài lơh pràn bơ̆t bơtàu dà lơgar.

Iăt Ủy ƀan Kiểm tra Dà lơgar yal ală mpồl kwang bàng tus lùp sền bơh Ƀộ Cíñ trị, Ƀan Ƀí thư nam 2022 mờ ai geh broă lùp sền bơh Ƀộ Cíñ trị, Ƀan Ƀí thư nam 2023. Ƀộ Cíñ trị đơs loh: kơnòl bơh Đảng, Dà lơgar, bơh mpồl lơh broă cíñ trị mờ gùt mpồl bơtiàn là pal bơ̆t bơtàu mpồl kwang bàng ngăc ngar pràn kơl dang jơh bè khà geh, bơta niam, geh broă lơh di pal pơgồp bal mờ tơnguh gơnoar, kơnòl bal mờ bơta pràn bơh kwang bàng ngăc ngar tàm broă lơh jăt ală jơnau kờñ, kơnòl, broă lơh jŏ jòng tơnguh bơtàu lơh sa mpồl bơtiàn. Gơrềng tus tơngu me Broă lùp sền Ƀộ Cíñ trị, Ƀan Ƀí thư nam 2023, Ƀộ Cíñ trị, Ƀan Ƀí thư neh tơlik kơrnoăt lơh 5 mpồl kwang bàng lùp sền Ƀộ Cíñ trị, 5 mpồl kwang bàng Ƀan Ƀí thư nàng tus lòt lùp sền 30 mpồl lơh broă Đảng gơwèt Dà lơgar dê.