VOV4.K’ho- Mho ngai 08/07 tàm hìu duh broă Đảng Dà lơgar, bơh bơta đơng lam bơh Tổng Ƀí thư ồng Nguyễn Phú Trọng dê, Ƀộ Cíñ trị, Ƀan Ƀí thư neh pơrjum, sền swì ală broă pơnrơ ngan bơh dà lơgar dê, broă dunia tàm qúy II mờ 06 nhai bồ nam 2022; kơnòl broă tờm tàm tơngai tus.

Ƀộ Cíñ trị, Ƀan Ƀí thư đơs, tơngai tus lơgar he pơn jăt tai kong mờ ờ dùl êt bơta kal ke, bơta lòng, digơlan lơh lơyài wơl ală broă lơh bơtàu tơnguh wơl mờ bơtàu tơnguh lơh sa- mpồl bơtiàn tài bơta tam gơl kal ke ngan gơtùi gĭt lài bơh broă lơh sa- mpồl bơtiàn dunia dê, tam lơh đah Nga mờ Ukraine gơbàn kal ke; tam pơrlòng broă kwơmàng đah ală lơgar dờng ngai sơlơ pràn ngan; bơta roh giă priă, giă zờu gơguh uă, ngai sơlơ tơrmù broă lơh priă jền tàm uă lơgar, broă lơh niam broă lơh kham sơm kòp mờ sền gàr pràn kơldang să jan làng bol in. Ƀộ Cíñ trị, Ƀan Ƀí thư sồr ală kâp, ală ngàñ, lam bơsram, kơlôi sơnơng, mblàng yal mờ lam lơh jăt di tŭ, lơh geh cồng nha ală Kơrnoăt Pơrjum dơ̆ 05 Ƀan Câp hàñ Đảng Dà lơgar khoă XIII dê.

Cau mblàng Lơ Mu K’Yến