Pơndŭt dơ̆ Pơrjum, Tổng Ƀí thư ồng Nguyễn Phú Trọng đơs sùm, broă lơh jăt Jơnau sồr sồ 19 mờ gờñ ai lơh jăt jơnau sồr lơh bàr pe kơnòl broă tờm neh dong kâp ủy, gơnoar ătbồ ală kâp di tŭ rơcăng niam ală bơta nàng làng bol in chờ hờp wă rò sơnam pa sa tềp niam bơnĕ, lơngăp lơngai, chờ hờp mờ tềm pềr; lơh geh nùs nhơm chờ hờp chờ hờñ, tam klăc bal, tàm dong tàm ròng bal, là bơnàng jă nàng lơh jăt geh cồng nha jơnau kờñ mờ kơnòl broă bơh nam pa 2023 dê.

Đơs tus kơnòl broă mờr tus, Tổng Ƀí thư ồng Nguyễn Phú Trọng tơngkah, pal pơn jăt tai yal lài broă gơlik geh, gĭt nền ală jơnau digơlan gơlik geh nàng geh broă lơh sơndră wơl, ờ gŏ di sền ờ sờp, ờ gŏ rơcăng ngăc. Tơnơ̆ dơ̆ ơm rlô sa tềp tơn, tơrgùm đơng lam, sồr lơh, lam lơh jăt niam, geh cồng nha ală kơrnoăt, jơnau sồr, jơnau đơs pơndŭt bơh Dà lơgar dê mờ kâp ủy ală kâp dê. Tơl anih lơh broă, tơl tiah, tơl mpồl cau geh broă rơndăp lơh loh làng bơh nam 2023 dê nàng lam lơh jăt dùl bă niam ngan, lơh ngan lơh jăt geh cồng nha ală jơnau kờñ, kơnòl broă bơh nam 2023 dê, nam nggùl tơngai lơh broă bơh Pơrjum dờng dơ̆ XIII bơh Đảng dê.