VOV4.K’ho- Drim ngai 20/01, tàm Hìu duh broă Đảng Dà lơgar dê, Mpồl đơng lam dà lơgar bè rơcăng sơndră sa kwề sa kwà mờ ờ niam pơrjum dơ̆ 21 bơh bơta đơng lam bơh Tổng Ƀí thư ồng Nguyễn Phú Trọng dê, nàng sền tìs di, sền swì cồng nha lơh broă bơh nam 2021 dê mờ ai jơnau đơs bè Broă lơh lơh broă nam 2022 dê bơh Mpồl đơng lam dê.

Tàm nam 2021, bulah tàm bơta kòp Kovid-19 gơbàn kal ke; Broă lơh lơh broă bơh Mpồl đơng lam dê neh geh lam lơh jăt niam mờ lơh geh jăt broă rơndăp lơh. Kwơmàng là tàm nam lài, jơh gùt lơgar neh yă mờ lùp khàu 390 dơ̆ lơh tìs mờ 1 rbô 11  nă cau gơtìp yă bè ală tìs sa kwề sa kwà, gơnoar broă. Đơs bè kơnòl broă tờm tàm tơngai tus, Tổng Ƀí thư ồng Nguyễn Phú Trọng sồr ală kâp ủy, mpồl đảng, anih lơh broă geh gơnoar ờ gŏ di sền ờ sơ̆p, hừh nùs, di nùs mờ ală cồng nha lơh geh; pal kràn cê, kơ̆ dơn lơh pràn rlau tai broă lơh tam dră rơcăng sơndră sa kwề sa kwà mờ ờ niam; sơlơ tơnguh tai broă lòt sền, jăt sền. Tàm dơ̆ pơrjum, Mpồl đơng lam neh cribơyai, ai jơnau đơs nàng lơh sir jơnau rơcăng cih Broă lơh lơh broă nam 2022 bơh Mpồl đơng lam dê.

Cau mblàng Lơ Mu K’Yến